„Roadhouse-Blues“ – Meine Widmung für die Laimbacher-Brothers!

Gestern Abend, bei der Schlatt-Lee-Probe, als wir den „Vorhöll-Blues“ spielten, sang ich plötzlich im Refrain statt „Vorhöll-Blues“: „Roadhouse-Blues“.
Eine Idee fing sich in meinen Hirnzellen festzusetzen: Ich ändere meinen eigenen Text vom besagten „Vorhöll-Blues“ etwas ab, gebe ihm den Titel „Roadhouse-Blues“, und widme ihn den Laimbacher-Brothers. Dem schwingenden Gebrüder-Trio aus Schwyz, welches letzten Samstag einen wilden Polterabend zu Ehren von Ivo feierte.

Die ganze Geschichte brachte natürlich exklusiv der BLICK…

… und ich auf meinem Twitterkanal.

Hier also nun meine textliche Widmung:

Roadhouse-Blues

Dimal hend ds Luzärä gfiiräd, jung und alt,
ds Laimbachers halt värussä, äs isch gsi chalt.
Dr‘ zuä hed dr Ivo göörgäläd äso geili Musig,
am Namittag heds nu tönt herrgotts bluesig.
Gägä Abig isch einersmal nümä alläs glückt,
hend doch äs Paar ihri Füscht ächli zückt.

Refr.: Roadhouse-Blues…

Bier, Whiskey odär ä coolä Drink, nur´s Bescht,
diä Bar hätt alls gha für ihri luschtigä Gescht.
Di äintä hend gläbi scho gha ä chlinä Suff,
äs hed dä gä mit dr Security äs ghörigs Buff.
Anänand packt und bhautäd hend det schiär all,
dass äs paar hend uf d´Schnorrä übärcho isch gsi dr´Fall.

Refr.: Roadhouse-Blues…

Fertig isch dä gsi mit dr Live-Musig und dem Bombä-Fäscht,
d Fründä vos Laimbachers sigid dä nämä nu gli is Näscht.
Nüd isch gsi mit Rock, Reggae, Funk, Techno oder Hip-Hop,
värussä vorum Roadhouse isch ächli nüd meh gsi tip-top.
Värstahsch: ä so Sachä macht mä nüd und sind nüd guät,
drum hend ds Laimbachers gschworä, dass sig nüd ihräs Bluät.

Refr.: Roadhouse-Blues…

Hier als Vergleich mein eigener Original-Text, welchen ich natürlich abändern kann wie es mir gerade beliebt, und diesmal die Situation erforderte…:

Vorhöll-Blues

Oeftärs trifft sich det, jung und alt
öps värussä isch warm odär chalt
dr´ zuä lauft eistig äso geili Musig
mängisch tönts herrgotts bluesig
d´Irichtig vo dr´Vorhöll isch´nä wirkli glückt
hed doch ä Künschtlär ä Ding is richtig Liächt grückt.

Refr.: Vorhöll-Blues…

Pony, Hooch odär ä coolä Drink, nur´s Bescht
diä Bar hed alls für ihri Gescht
di äintä hend ä scho gha ä chlinä Suff
wäg dem hed nu keinä gha Buff
dumm prichtä und bhautä tüänd det schiär all
dass einä hed uf d´Schnorrä übärcho isch nu niä gsi dr´Fall.

Refr.: Vorhöll-Blues…

Hiä und da isch obä inä Live-Musig und äs Bombä-Fäscht
am dettä Abig wends nämä allig nüd is Näscht
Oeb Rock, Reggae, Funk, Techno oder Hip-Hop
diä Vorhöll lauft grad ächli tip-top
värstahsch: ä üs gfallt´s det hindä au sehr guät
drum hend üsä Vorhöll-Blues glii all im Bluät.

Refr.: Vorhöll-Blues…

Ich hoffe, die Gemüter haben sich wieder abgekühlt, die Wunden sind wieder verheilt und die Welt der Laimbacher-Brothers ist wieder in Ordnung.
Ivo Laimbacher wünsche ich natürlich jetzt schon alles Gute zur Hochzeit, und dann eine etwas weniger turbulente Feier…

feldwaldwiesenblogger

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s